"ಶಿಕ್ಷಕ ತರಬೇತಿಯ ಜೊತೆಗೆ ಸಂಸ್ಕಾರಕ್ಕೂ ಒತ್ತು ಕೊಡುತ್ತಿರುವ ಕಾಲೇಜು ಅದು ಶ್ರೀ ಬಸವೇಶ್ವರ ಡಿ.ಎಡ್ ಕಾಲೇಜು"ಎಂದು ಭಾಲ್ಕಿ ಶ್ರೀ ಮಠದ ಪರಮ ಪೂಜ್ಯರಾದ ಡಾ.ಬಸವಲಿಂಗ ಪಟ್ಟದೇವರು
ತಮ್ಮ ಆಶೀರ್ವಚನದಲ್ಲಿ ನುಡಿದರು.ಔರಾದ ಪಟ್ಟಣದ ಬಸವ ಗುರುಕುಲ ಕ್ಯಾಂಪಸ್ ನಲ್ಲಿರುವ ಶ್ರೀ ಬಸವೇಶ್ವರ ಡಿ.ಎಡ್ ಕಾಲೇಜಿನಲ್ಲಿ 2023-24ನೇ ಸಾಲಿನ ಡಿ.ಎಡ್ ಪ್ರಥಮ ವರ್ಷದ ಪ್ರವೇಶದ ಭಿತ್ತಿ ಪತ್ರ ಬಿಡುಗಡೆ
ಕಾರ್ಯಕ್ರಮದ ದಿವ್ಯ ಸಾನಿಧ್ಯವಹಿಸಿ ಮಾತನಾಡುತಿದ್ದರು.ಜಿಲ್ಲೆಯಲ್ಲಿ ಬಹಳ ಕಾಲೇಜುಗಳು ಪ್ರವೇಶದ ಕೊರತೆಯಿಂದ ಬಂದ್ ಆಗಿದ್ದ ಉದಾಹರಣೆಗಳು ಇವೆ.ಅಂಥದರಲ್ಲಿ ಔರಾದನ ಶ್ರೀ ಬಸವೇಶ್ವರ ಡಿ.ಎಡ್
ಕಾಲೇಜು,ಹಾಗೂ ಹಿರೇಮಠ ಸಂಸ್ಥಾನ ಡಿ.ಎಡ್ ಕಾಲೇಜು ಕರಡ್ಯಾಳ ಈ ಎರಡು ಕಾಲೇಜುಗಳು ಪರಿಣಾಮಕಾರಿ ತರಬೇತಿ ಕೊಡುತ್ತಾ ಬರುತ್ತಿವೆ ಇದಕ್ಕೆಲ್ಲ ಪ್ರಾಂಶುಪಾಲರು ಮತ್ತು ಸಿಬ್ಬಂದಿ ವರ್ಗದವರ ಪರಿಶ್ರಮದ ಫಲ
ಎಂದು ಪ್ರಸಂಶಿಸಿದರು.ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿ ಮಾತನಾಡಿದ ತಾಲೂಕ  ಜಾನಪದ ಸಾಹಿತ್ಯ ಪರಿಷತ್ ನ ಅಧ್ಯಕ್ಷರಾದ ಶ್ರೀ ಸಂಜೀವಕುಮಾರ ಜುಮ್ಮಾರವರು"ಔರಾದ ತಾಲೂಕು ಹಿಂದುಳಿದ
ತಾಲೂಕು ಎನಿಸಿಕೊಂಡ ಕಾಲಘಟ್ಟದಲ್ಲಿ ಪರಮ ಪೂಜ್ಯ ಡಾ.ಬಸವಲಿಂಗ ಪಟ್ಟದೇವರು ಈ ಭಾಗದಲ್ಲಿ ಒಂದು ಒಳ್ಳೆಯ ಶಿಕ್ಷಕರ ತರಬೇತಿ ಕಾಲೇಜು ತೆರೆದರೆ ಈ ಭಾಗದ ಮಕ್ಕಳಿಗೆ ಅನುಕೂಲವಾಗುತ್ತದೆ,ಎನ್ನುವ ಮುಂದಾಲೋಚನೆ
ಇಟ್ಟುಕೊಂಡು 2009-10ರಲ್ಲಿ ಶ್ರೀ ಬಸವೇಶ್ವರ ಡಿ.ಎಡ್ ಕಾಲೇಜು ಪ್ರಾರಂಭಿಸಿದರು. ಅಂದಿನಿಂದ ಇಂದಿನವರೆಗೆ ಈ ಕಾಲೇಜು ಒಳ್ಳೆ ರೀತಿಯಿಂದ ನಡೆದುಕೊಂಡು ಬರುತ್ತಿದೆ ಎಂದರು ಹಾಗೂ ಇಲ್ಲಿ ತರಬೇತಿ ಪಡೆದ ಅನೇಕರು
ಸರಕಾರಿ ಶಿಕ್ಷಕರಾಗಿ ಹಾಗೂ ಸರಕಾರಿ ಶಾಲೆಗಳಲ್ಲಿ ಅತಿಥಿ ಶಿಕ್ಷಕರಾಗಿ ಮತ್ತು ಅನೇಕ ಖಾಸಗಿ ಶಾಲೆಗಳಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ ಎಂದರು.ಶ್ರೀ ಬಸವೇಶ್ವರ ಡಿ.ಎಡ್ ಕಾಲೇಜಿನ ಪ್ರಾಂಶಪಾಲರಾದ ಶ್ರೀ
ಶರಣಪ್ಪ ನೌಬಾದೆಯವರು ಪ್ರಾಸ್ತಾವಿಕವಾಗಿ ಮಾತನಾಡುತ್ತ ನಮ್ಮ ಕಾಲೇಜುಗಳು ಸತತವಾಗಿ  ನಡೆದುಕೊಂಡು ಬರುತ್ತಿವೆ ಅಂದ್ರೆ ಅದಕ್ಕೆಲ್ಲ ಪರಮ ಪೂಜ್ಯ ಡಾ.ಚನ್ನಬಸವ ಪಟ್ಟದೇವರ ಅಖಂಡಾಶಿರ್ವಾದ, ಪರಮ ಪೂಜ್ಯ
ಡಾ.ಬಸವಲಿಂಗ ಪಟ್ಟದೇವರು ಹಾಗೂ ಪರಮ ಪೂಜ್ಯ ಗುರುಬಸವ ಪಟ್ಟದೇವರ ಪ್ರೇರಣೆ,ಮಾರ್ಗದರ್ಶನ,ಶ್ರೀಗಳು ತುಂಬುವ ಉತ್ಸಾಹವೇ ನಮಗೆ ಪ್ರೇರಣೆಯಾಗಿದೆ ಎಂದರು.ಮುಖ್ಯ ಗುರುಗಳಾದ ನಿರ್ಮಲಾ ಸೇರಿ,ಪ್ರಾಂಶುಪಾಲರಾದ
ಸತೀಶ್ ಗಂದಿಗುಡೆ, ಶ್ರೀಮತಿ ಸುರೇಖಾ ಮೇಂಗಾ,ಸಂಜೀವ ವಲಾಂಡೆ,ಅಮರ ದ್ಯಾಡೆ,ನಾಗನಾಥ ಪಾಟೀಲ್.ಬಾಲಾಜಿ ನಿಟ್ಟೂರೆ.ಸಂತೋಷ್ ಮಡಿವಾಳ,ಗುರುರಾಜ ಕಸ್ತೂರೆ,ಬಸವರಾಜ ತಳವಾರ,ವಾಮನರಾವ ಮಾನೆ,ರೇಖಾ ನೌಬಾದೆ,
ಉಪಸ್ಥಿತರಿದ್ದರು.ಡಿ.ಎಡ್ ಪ್ರಶಿಕ್ಷಣಾರ್ಥಿಗಳು ಹಾಜರಿದ್ದರು. ನಾಗನಾಥ ಶಂಕು ನಿರೂಪಿಸಿ ವಂದಿಸಿದರು.
ವರದಿ....🖋️
ಸುಧೀರ್ ಕುಮಾರ್ ಬೀ ಪಾಂಡ್ರೇ