सराटी आंतरवाली येथे मराठ्यांची महा विराट सभा
छत्रपती संभाजी नगर प्रतिनिधी - 14 ऑक्टोबर येथील सभेची चर्चा आपण अनेक दिवसापासून ऐकतोय, आधीपासूनच या सभेचे नियोजन सुरू होतं. 

अमाप मराठी बांधवांच्या उपस्थितीत अंतरवाली इथे  विराट सभा पार पडली. एकूण दीडशे एकर मध्ये सभेच आयोजन केलं होतं. 

प्रत्येक तळागाळातून या ठिकाणी मराठी बांधव त्या सभेसाठी उपस्थित होता. 
ज्यावेळेस जरांगे पाटलांच त्या ठिकाणी आगमन झालं त्यावेळी फुलांचा वर्षाव करत त्यांच स्वागत करण्यात आल. त्याच्यानंतर जरांगे पाटलांनी कुठल्याही प्रकारचा वेळ न घालवता
सभेला संबोधित केलं. 

त्यांनी त्यामध्ये काही प्रमुख मागण्या सांगितल्या, की सरसकट मराठी बांधवांना ओबीसी मधून कुणबी प्रमाणपत्र देण्यात यावी ही त्यांची प्रमुख मागणी होती. कोपर्डी प्रकरणातील
त्या आरोपीला फाशी द्यावी. परत यांनी सांगितलं की आरक्षण दिल्यानंतर दर दहा वर्षांनी या ठिकाणी त्याची पाहणी करण्यात यावी. त्याचा सर्वे करण्यात यावा आणि त्यातील प्रजाती
बाहेर काढण्यात याव्यां .याच बरोबर त्यांनी अजून एक महत्त्वाचा मुद्दा मांडला सारथी मधून पीएचडी करणाऱ्या जास्तीत जास्त विद्यार्थ्यांना निधी द्यावा .आणि त्यांचे प्रश्न
मार्गी लावावेत. 50% तील आतील वेगळा  प्रवर्ग वेगळा करून या ठिकाणी आरक्षण द्यावे .

आणि ते आरक्षण टिकायला देखील हवं . ज्या पद्धतीने इतरत्र समाजासाठी टिकलेल आहे. जर आरक्षण दिलं नाही तर आम्ही 40 व्या दिवशी दाखवून देऊ असा इशारा त्यांनी सरकारला दिलाय. जनसमुदाय
देखील  घोषणा देत होता. एक मराठा लाख मराठा. त्याचबरोबर जरांगे पाटलांनी मध्ये पोलिसांबद्दल ही कौतुकस्पद वक्तव्य केलं. पोलिसांनी आपल्याला सहकार्य केलं म्हणून ही सभा आपण
शांततेत पार पाडू शकलो. शिवाय त्यांनी सभेला उद्देशून म्हटले प्रत्येक मराठी बांधव या ठिकाणी सभेला शांतते आलेले आहे आणि शांततेत परत जाईल हा आशावाद व्यक्त केला . 

त्याचबरोबर जरांगे पाटलांनी त्या ठिकाणी आलेल्या मराठी बांधवांची जर काही गैरसोय झाली असेल त्याबद्दल सर्वांची दिलगिरी व्यक्त केली.मराठी आरक्षणासंदर्भात समित्यांची काम
चालू केली होती,ती काम बंद करा पण सरसकट ओबीसी मधून मराठ्यांना आरक्षण द्या ह्या मुद्दावर त्यांनी अतिशय प्रकाश टाकला. त्याचबरोबर पंतप्रधान नरेंद्र मोदी ,गृहमंत्री अमित शहा,
केंद्रीय मंत्रिमंडळ यांना सर्वांना विनंती करत जरांगे पाटलांनी म्हटले मराठी समाज हा सर्वात मोठा समाज आहे या समाजाच्या हालापेक्षा करू नका अशी विनंती त्यांनी केली. कायदा
व्यवसायानुसार जाती निर्माण झाल्या. विदर्भातील शेतकरी असल्या कारणाने त्यांना कुणबी प्रमाणपत्र देण्यात आले होते. तेच सरसकट द्यावे . 

शेतकऱ्यांची गोरगरिबांची मुलं त्यांची शैक्षणिक स्वप्न अपूर्ण राहतात तर सरकारने तातडीने आरक्षणाचा निर्णय घ्यावा. याचबरोबर थोडीशी टोली बाजी ही त्या ठिकाणी झाली. टोलेबाजी
म्हणता येणार नाही. कारण जरांगे पाटलांनी आधीच्या सभेत म्हटले  आहे की आम्ही कुणाच्या वाट्याला येत नाही जे आमच्याशी नडले त्यालाच आम्ही बोलतो. जरांगे पाटलांवरती आरोप
करण्यात आला होता की सात कोटी खर्च झाला इतका पैसा आला कुठून गाड्या लावल्या वगैरे. त्यावर जरांगे पाटलांनी प्रत्युत्तर दिले. शेतकऱ्यांच्या घामातून या ठिकाणी निधी जमा झाला 123
गावांकडून . 

तर त्यातील एकूण 22 गावातील लोकांनी  21 लाख रुपयांचा निधी दिला. 121 गावाकडून निधी घेतला नाही . कारण जरांगे पाटलांनी म्हटलं हा लढा पैशासाठी नाही आहे, आरक्षणासाठी न्यायासाठी हा
लढा आहे.  

मुख्यमंत्री उपमुख्यमंत्री यांनी आपल्या नेत्यांना समज द्यावे असेही म्हटले.   

 केंद्रातील आणि राज्यातील सत्तेसाठी मराठ्यांचा मोठा सिंहाचा वाटा आहे असे जरांगे पाटलांनी म्हटले. मराठ्यांना जर आरक्षण दिलं तर राज्य सरकार आणि केंद्र सरकारला जनता
डोक्यावर घेऊन नाचेल अस ही ते बोलले .  

सर्वात महत्त्वाची गोष्ट जरांगे पाटलांनी सांगितले मराठ्यांना डिवचन्याचा प्रयत्न केला जातोय ,त्यांनी या ठिकाणी शांततेच्या मार्गाने आंदोलन करायचे आणि शांततेच्या
मार्गानेच आरक्षण मिळवायचे. 22 ऑक्टोबर पर्यंत जर आरक्षण नाही मिळाल तर 22 ऑक्टोबरला पुढील आंदोलनाची दिशा ठरणार असे ते म्हणाले. सरकारने येथे आलेल्या मराठी समुदायाच्या भावना
लक्षात घेऊन त्यांना दहा दिवसात आरक्षण द्यावे. 

. जर 24 ऑक्टोबर पर्यंत आरक्षण मिळालं नाही तर मनोज रंगे पाटील टोकाचे उपोषण करणार आहे असा इशारा त्यांनी दिलाय. ते म्हणाले एक तर माझी अंत्ययात्रा निघेल नाहीतर मराठी आरक्षणाची
विजय यात्रा. शिवाय माघार घेणार नाही.  

सरकारचा मराठ्यांना फोडण्याच फुटीर धोरण बघून त्यांनी मराठ्यांना सांगितले की कुठल्याही उद्रेक नकोय फक्त आणि फक्त शांततेचाच मार्ग. त्याबरोबर सरकारवर खरमरीत टीका करत
जरांगे पाटलांनी म्हटले  जिथे सरकारचं डोकं बंद पडत ,तिथे मराठ्यांचा डोकं सुरू होतं. सभे दरम्यान जरांगे पाटील म्हणाले त्यांचे फेसबुक अकाउंट या ठिकाणी बंद झाल्याचे ही
माहिती दिली. 

पण सभेच्या अखेरपर्यंत ते त्यांच्या मागणीवर ठाम होते जोपर्यंत आरक्षण मिळत नाही तोपर्यंत एक इंच ही मागे हटणार नाही.