ಕಲಬುರಗಿ:- ಅವಕಾಶ ವಂಚಿತ ಸಮುದಾಯಗಳಿಗೆ ಸಾಮಾಜಿಕ ನ್ಯಾಯ ಒದಗಿಸಲು ಸರ್ಕಾರ ೨೦೧೫ರಲ್ಲಿ ೧೭೮ ಕೋಟಿ ರೂ ಸಾರ್ವಜನಿಕ ಹಣ ಖರ್ಚು ಮಾಡಿ ಸಿದ್ಧಪಡಿಸಿರುವ ಜಾತಿ ಸಮೀಕ್ಷಾ ವರದಿಯನ್ನು ಕೂಡಲೇ
ಅನುಷ್ಟಾನಗೊಳಿಸುವಂತೆ ರಾಜ್ಯ ಹಡಪದ ಅಪ್ಪಣ್ಣ ಸಮಾಜ ಸದಸ್ಯರು ಮತ್ತು  ಕಲಬುರಗಿ ಜಿಲ್ಲೆಯ  ಹಡಪದ ಅಪ್ಪಣ್ಣ ಸಮಾಜದ ಗೌರವಾಧ್ಯಕ್ಷರು - ಬಸವರಾಜ ಹಡಪದ ಸುಗೂರ ಎನ್  ಅವರು ಮನವಿ ಮಾಡಿದ್ದಾರೆ.
ಈ ಕುರಿತು ಮುಖ್ಯಮಂತ್ರಿಗಳಿಗೆ ಮನವಿ ಸಲ್ಲಿಸಿರುವುದಾಗಿ ತಿಳಿಸಿರುವ ಅವರು, ಈಗಾಗಲೇ ಬಿಹಾರದಲ್ಲಿ ಮುಖ್ಯಮಂತ್ರಿ ನಿತೀಶ್‌ಕುಮಾರ್ ಅವರು ಅಲ್ಲಿ ಜಾತಿ ಸಮೀಕ್ಷೆ ವರದಿ ಜಾರಿಗೆ ತಂದಿದ್ದು ಅವರಿಗೆ 
ಸಮಸ್ತ ನಮ್ಮ ಸಣ್ಣ ಸಣ್ಣ ಸಮಾಜದ ವತಿಯಿಂದ  ಧನ್ಯವಾದ ಸಲ್ಲಿಸುತ್ತದೆ ಎಂದಿರುವ ಅವರು, ರಾಜ್ಯದಲ್ಲಿ ಜಾತಿ ಸಮೀಕ್ಷಾ ವರದಿ ಬಿಡುಗಡೆಗೆ ವಿರೋಧ ವ್ಯಕ್ತವಾಗುತ್ತಿರುವುದು ಸರಿಯಲ್ಲ ಎಂದು ತಿಳಿಸಿದ್ದಾರೆ.
ಸಂವಿಧಾನದ ಪ್ರಕಾರ ಜಾತಿ ಗಣತಿ ಪ್ರತಿ ೧೦ ವರ್ಷಗಳಿಗೊಮ್ಮೆ ನಡೆಸಬೇಕಾಗಿದೆ ಆದರೆ ೧೯೯೫ ರಲ್ಲಿ ಕಾನೂನು ಜಾರಿಯಾಗಿ ೨೫ ವರ್ಷ ಕಳೆದೂ ದೇಶದಲ್ಲಿ ಯಾವುದೇ ರಾಜ್ಯ ಸರ್ಕಾರಗಳು ಅನುಷ್ಠಾನಗೊಳಿಸಲು
ವಿಫಲವಾಗಿರುವುದು ವಿಪರ್ಯಾಸ ಎಂದು ತಿಳಿಸಿದ್ದಾರೆ.
ತಳಸಮುದಾಯಗಳಿಗೆ ನ್ಯಾಯ ಒದಗಿಸಲು ದೇಶದಲ್ಲಿ ಮೊಟ್ಟ ಮೊದಲ ಬಾರಿಗೆ ೧೯೧೮ ರಲ್ಲಿ ನಾಲ್ವಡಿಕೃಷ್ಣರಾಜಪಡೆಯರ್ ಲೆಸ್ಲಿ ಮಿಲ್ಲರ್ ಆಯೋಗ ನೇಮಿಸಿದ್ದು, ೧೯೬೨ ರಲ್ಲಿ ನಾಗನಗೌಡ ಆಯೋಗ, ೧೯೭೨ ರಲ್ಲಿ ಹಾವನೂರು
ಆಯೋಗ, ೧೦೮೩ ರಲ್ಲಿ ವೆಂಕಟಸ್ವಾಮಿ ಆಯೋಗ ೧೯೮೮ ಚಿನ್ನಪ್ಪರೆಡ್ಡಿ ಆಯೋಗಗಳು ಅತ್ಯಂತ ವೈಜ್ಞಾನಿಕ, ಕ್ರಾಂತಿಕಾರಿಕ ವರದಿ ನೀಡಿದ ಪರಿಣಾಮ ಈ ಸಣ್ಣ ಸಣ್ಣ ಸಮಾಜ  ಹಿಂದುಳಿದವರು ಮುಖ್ಯವಾಹಿನಿಗೆ ಬರಲು
ಸಾಧ್ಯವಾಗಿದೆ ಎಂದು ತಿಳಿಸಿದ್ದಾರೆ.
ಅರಸು ನಂತರ ಬಂದ ಸರ್ಕಾರಗಳು ಅವೈಜ್ಞಾನಿಕವಾಗಿ ಹಿಂದುಳಿದ ವರ್ಗಗಳ ಪಟ್ಟಿಗೆ ಬಲಿಷ್ಟ ಸಮುದಾಯಗಳನ್ನು ಸೇರಿಸಲು ಆರಂಭಿಸಿದ ಪರಿಣಾಮ ಅತೀ ಹಿಂದುಳಿದ ಸಮುದಾಯಗಳ ಪಾಲನ್ನು ಬಲಿಷ್ಠರು ಕಸಿಯುವಂತಾಗಿದೆ,
ಇದನ್ನು ಮನಗಂಡು ಸಿದ್ದರಾಮಯ್ಯ ಅವರು ೨೦೧೩ ರಲ್ಲಿ ಮೊದಲ ಬಾರಿಗೆ ರಾಜ್ಯದಲಿ ಹಿಂದುಳಿದ ವರ್ಗಗಳ ಆಯೋಗದಿಂದ ಸಾಮಾಜಿಕ, ಶೈಕ್ಷಣಿಕ ಸಮೀಕ್ಷೆ  ನಡೆಸಲು ಆದೇಶ ನೀಡಿ ಕೀರ್ತಿಗೆ ಪಾತ್ರರಾಗಿದ್ದಾರೆ ಎಂದು
ತಿಳಿಸಿದ್ದಾರೆ.
ಆದ್ದರಿಂದ ಪ್ರಸಕ್ತ ಜಾರಿಯಲ್ಲಿರುವ ಶೇ.೩೨ ಮೀಸಲಾತಿ ಸೌಲಭ್ಯಗಳನ್ನು ಸಂಪೂರ್ಣವಾಗಿ ಪುನರ್ ಪರಿಶೀಲಿಸುವುದರ ಜತೆಗೆ ಆಯಾ
ಜಾತಿಗಳ ಜನಸಂಖ್ಯೆಗೆ ಅನುಗುಣವಾಗಿ ಮೀಸಲಾತಿ ಸೌಲಭ್ಯ ಪುನರ್ ನಿಗಧಿಪಡಿಸಿ  ಅತಿ ಹಿಂದುಳಿದ ಜಾತಿಗಳಿಗೆ ಅಂದರೆ ನಮ್ಮ ಹಡಪದ ಅಪ್ಪಣ್ಣ (ಕ್ಷೌರಿಕ) ಸಮಾಜದ  ಆರ್ಥಿಕ,ಸಾಮಾಜಿಕ, ರಾಜಕೀಯ ಪ್ರಾತಿನಿಧ್ಯ
ಕಲ್ಪಿಸಿ ನ್ಯಾಯ ಒದಗಿಸಲು  ರಾಜ್ಯ ಹಡಪದ ಅಪ್ಪಣ್ಣ (ಕ್ಷೌರಿಕ) ಸಮಾಜವು  ಆಗ್ರಹಿಸುತ್ತದೆ ಎಂದು ತಿಳಿಸಿದ್ದಾರೆ.
ಅದೇ ರೀತಿ ಪ್ರವರ್ಗ ೨ಎ ನಲ್ಲಿ ಬರುವ ನಮ್ಮ ಹಡಪದ ಅಪ್ಪಣ್ಣ (ಕ್ಷೌರಿಕ) ಸಮಾಜವು  ಹಿಂದುಳಿದ ವರ್ಗಗಳಲ್ಲಿ   ಅತಿ ಹಿಂದುಳಿದಿರುವ ಜಾತಿಗಳಿಗೆ ಒಳಮೀಸಲಾತಿಯನ್ನು ನೀಡಿ ಸಾಮಾಜಿಕ ನ್ಯಾಯ ಒದಗಿಸಲು ಕೋರಿರುವ.
ಸಮಾಜದ  ಇತರರು ನಾಯಕರು -  ನಾಗರಾಜ ಹಡಪದ ಸಜ್ರ್ಯಾಪೂರ, ಬಸವರಾಜ ಹಡಪದ ಹಳ್ಳಿ ಶಹಾಬಾದ,  ಈರಣ್ಣ ಸಿ ಹಡಪದ ಸಣ್ಣೂರ,   ರಮೇಶ್ ಹಡಪದ ಮಲಕೋಡ್ ವಕೀಲರು ಶಹಾಬಾದ, ಹಾಗೂ          ಹಣಮಂತ್ರಾಯ ಹಡಪದ  ಗುಡ್ಡದ್ದಿನಿ‌ .  
ಮಹಾಗೊಂಡಪ್ಪ ಹಡಪದ , ಬಸವರಾಜ ಹಡಪದ ಗೆದ್ದಲಮರಿ, ಈರಣ್ಣ ಚಿಕ್ಕ ಬೆಳ್ಳಿಕೆಟ್ಟಿ, ಈರಣ್ಣ ವಕೀಲರು ಧಾರವಾಡ, ಮಲ್ಲಿಕಾರ್ಜುನ ಧಾರವಾಡ, ಬಸವರಾಜ ಹಡಪದ ಬೆಳಗಾವಿ, ಭಗವಂತ ಸಹ ಶಿಕ್ಷಕರು ಹೊನ್ನಕಿರಣಗಿ ಕಲಬುರಗಿ.
ರಮೇಶ್ ಹಡಪದ ನೀಲೂರ, ರುದ್ರಮಣಿ ಅಪ್ಪಣ ಬಟಗೇರಾ, ಮಲ್ಲಿಕಾರ್ಜುನ ಹಡಪದ ಸಾವಳಗಿ, ಮಲ್ಲಿಕಾರ್ಜುನ ಬಿ.ಹಡಪದ ಸುಗೂರ ಎನ್, ಭಾಗಣ್ಣ ಹಡಪದ ಇಟಗಿ , ತಿಪ್ಪಣ್ಣ ಹಡಪದ ನರಿಬೋಳ, ಮಹಾತೇಶ ಹಡಪದ ಹವಳಗಾ,  ಶಂಕರ ಹಡಪದ
ಆಳಂದ , ಶರಣಪ್ಪ ಹಡಪದ ಚಂದನಹಳ್ಳಿ ಭೀದರ. ಅನಿಲ ಕುಮಾರ ಹಳೇ ಶಹಾಬಾದ, ಭೀಮರಾವ್ ಹಡಪದ ಚಿತ್ತಾಪುರ, ನಾಗರಾಜ ಹಡಪದ ಸಾತನೂರ, ಮತ್ತು ಮಹಾದೇವ ಹಡಪದ ರಾವೂರ, ನಂದಕುಮಾರ ಹಡಪದ ನಿಡಗುಂದಿ ಸೇಡಂ, ಶ್ರೀಮಂತ ಹಡಪದ
ಮಳಗಿ  ಕಾಳಗಿ, ಚಂದ್ರಶೇಖರ ಹಡಪದ ತೋನಸನಹಳ್ಳಿ.ಸಂತೋಷ ಹಡಪದ ಚಿಮ್ಮಿಇದಲಾಯಿ ಚಿಂಚ್ಚೊಳ್ಳಿ , ಮಲ್ಲಿಕಾರ್ಜುನ ಹಡಪದ ಕಮಲಾಪೂರ.  ಹಾಗೂ   ಸಮಾಜದ ಭಾಂಧವರು ಭಾಗವಹಿಸಿ ಸದರಿ ಹೋರಾಟ ವನ್ನು ಯಶಸ್ವಿ
ಗೊಳಿಸಿದ್ದಕ್ಕೆ   ಆತ್ಮೀಯ ಅನಂತ   ಅಭಿನಂದನೆ ಗಳು ,    ಇವರೆಲ್ಲರೊ ಸೇರಿ , ಈ ಸಮುದಾಯಕ್ಕೆ ಸಾಮಾಜಿಕ ನ್ಯಾಯ ಒದಗಿಸಲು ಕೋರಿದರು ಈ ವಿಷಯ  ಸಂಬಂಧಿಸಿದಂತೆ   ಹಡಪದ ಅಪ್ಪಣ್ಣ (ಕ್ಷೌರಿಕ) ಸಮಾಜದ  ಹೋರಾಟ
ಮುಂದುವರೆಸಿದೆ ಎಂದು ತಿಳಿಸಿದ್ದಾರೆ.