ಬೀದರ ತೋಟಗಾರಿಕೆ ಮಹಾವಿದ್ಯಾಲಯದಲ್ಲಿ
ಒಂದು ದಿನದ ವಿಚಾರ ಸಂರ್ಕಿರಣ ಕಾರ್ಯಕ್ರಮ
================
ಬೀದರ, ಮಾರ್ಚ್. 07 (ಕರ್ನಾಟಕ ವಾರ್ತೆ):- ಪ್ರಬುದ್ಧ ಗೋಡಂಬಿ ಸೇಬನ್ನು ತಾಜಾ, ಮೇಲೋಗರಗಳಲ್ಲಿ ಬೇಯಿಸಿ ಅಥವಾ ವಿನೆಗರ್, ಸಿಟ್ರಿಕ್ ಆಮ್ಲ ಅಥವಾ ಆಲ್ಕೊಹಾಲ್ಯುಕ್ತ ಪಾನೀಯವಾಗಿ ಉಪಯೋಗಿಸಬಹುದು ಇದನ್ನು ಭಾರತ
ಮತ್ತು ಬ್ರೆಜಿಲ್‌ನಂತಹ ಕೆಲವು ದೇಶಗಳಲ್ಲಿ ಸಂರಕ್ಷಣೆ, ಚಟ್ನಿಗಳು ಮತ್ತು ಜಾಮ್‌ಗಳನ್ನು ತಯಾರಿಸಲು ಬಳಸಲಾಗುತ್ತದೆ. ಅನೇಕ ದೇಶಗಳಲ್ಲಿ, ವಿಶೇಷವಾಗಿ ದಕ್ಷಿಣ ಅಮೆರಿಕಾದಲ್ಲಿ, ಗೋಡಂಬಿ ಸೇಬನ್ನು
ಆಲ್ಕೊಹಾಲ್ಯುಕ್ತ ಮತ್ತು ಆಲ್ಕೊಹಾಲ್ಯುಕ್ತ ಪಾನೀಯಗಳನ್ನು ಸುವಾಸನೆ ಮಾಡಲು ಬಳಸಲಾಗುತ್ತದೆ. ಗೋಡಂಬಿ ಮರವು ಮೃದುವಾದ, ಹೊಳೆಯುವ ಮತ್ತು ರಸಭರಿತವಾದ ಹಣ್ಣನ್ನು ಉತ್ಪಾದಿಸುತ್ತದೆ, ಇದನ್ನು ಗೋಡಂಬಿ
ಸೇಬು ಎಂದು ಕರೆಯಲಾಗುತ್ತದೆ ಎಂದು ಪ್ರಧಾನ ಸಂಶೋಧಕರು ಹಾಗೂ ತೋಟಗಾರಿಕೆ ಮಹಾವಿದ್ಯಾಲಯದ ಡೀನ್ ಡಾ.ಎಸ್.ವಿ.ಪಾಟೀಲ್ ಹೇಳಿದರು.
 ಅವರು ಬುಧವಾರ ತೋಟಗಾರಿಕೆ ಮಹಾವಿದ್ಯಾಲಯ ಬೀದರದಲ್ಲಿ ನಡೆದ ತೋಟಗಾರಿಕೆ ವಿಜ್ಞಾನಗಳ ವಿಶ್ವವಿದ್ಯಾಲಯ, ಬಾಗಲಕೋಟ, ತೋಟಗಾರಿಕೆ ಮಹಾವಿದ್ಯಾಲಯ, ಬೀದರ ಮತ್ತು ಗೋಡಂಬಿ ಮತ್ತು ಕೋಕೋ ಅಭಿವೃದ್ಧಿ
ನಿರ್ದೇಶನಾಲಯ, ಕೊಚ್ಚಿ ಇವರುಗಳ ಸಂಯುಕ್ತ ಆಶ್ರಯದಲ್ಲಿ ಗೋಡಂಬಿ ಮತ್ತು ಕೋಕೋ ಅಭಿವೃದ್ಧಿ ನಿರ್ದೇಶನಾಲಯ, ಕೊಚ್ಚಿ ಪ್ರಾಯೋಜಿತ “ಗೋಡಂಬಿ ಬೆಳೆಯ ಸುಧಾರಿತ ಉತ್ಪಾದನಾ ತಾಂತ್ರಿಕತೆ, ಸಂಸ್ಕರಣೆ ಮತ್ತು
ಮೌಲ್ಯವರ್ಧನೆ” ಕುರಿತು ಒಂದು ದಿನದ ವಿಚಾರ ಸಂರ್ಕಿರಣ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.
ಗೋಡಂಬಿ ಸೇಬಿನ ರಸವನ್ನು ಮುಖ್ಯವಾಗಿ ನೈಸರ್ಗಿಕ ಮತ್ತು ಹುದುಗಿಸಿದ ಪಾನೀಯಗಳನ್ನು ತಯಾರಿಸಲು ಬಳಸಲಾಗುತ್ತದೆ. ಇದಲ್ಲದೆ, ಹಣ್ಣಿನ ತಿರುಳನ್ನು ಜೆಲ್ಲಿ, ಸಿರಪ್, ಕ್ಯಾಂಡಿಡ್ ಹಣ್ಣು ಮತ್ತು
ಸಂರಕ್ಷಣೆಗಳಾಗಿ ಮಾಡಬಹುದು. ಗೋಡಂಬಿ ಸೇಬಿನ ರಸವು ವಿಟಮಿನ್ ಸಿ, ಉತ್ಕರ್ಷಣ ನಿರೋಧಕಗಳು, ಖನಿಜಗಳಿಂದ ಸಮೃದ್ಧವಾಗಿದೆ. ನೈಸರ್ಗಿಕ ಸಂಪನ್ಮೂಗಳಾದ ನೀರು ಮತ್ತು ಮಣ್ಣುಗಳ ಸರಿಯಾದ ಸದ್ಬಳಕೆ ಹಾಗೂ
ಸಂರಕ್ಷಣೆಯಲ್ಲಿ ಗೋಡಂಬಿ ಬೆಳೆಯ ಪಾತ್ರ ತಿಳಿಸುತ್ತಾ, ಬರಡು ಭೂಮಿಗೆ ಬಂಗಾರ ಬೆಳೆಯಾದ ಗೋಡಂಬಿಯನ್ನು ಬೆಳೆದು ಅಧಿಕ ಲಾಭ ಪಡೆಯಲು ಕರೆ ನೀಡಿದರು.
ಕಾರ್ಯಕ್ರಮದಲ್ಲಿ ಡಾ. ರವಿ ದೇಶಮುಖ, ನಿವೃತ್ತ ಮುಖ್ಯ ವಿಜ್ಞಾನಿಗಳು, ಕೃಷಿ ವಿಜ್ಞಾನ ಕೇಂದ್ರ, ಬೀದರ ಹಾಗೂ ಜಂಟಿ ಕೃಷಿ ನಿರ್ದೇಶಕರು ರತೀಂದ್ರನಾಥ ಸೂಗೂರ ಅವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸಿ
ಮಾತನಾಡಿದರು. ಡಾ. ಎಸ್. ವಿ. ಪಾಟೀಲ, ಡಾ. ಮೊಹಮ್ಮದ ಫಾರೂಕ್, ಡಾ. ವಿ.ಪಿ. ಸಿಂಗ್, ಡಾ. ಶ್ರೀನಿವಾಸ್ ಎನ್. ಮತ್ತು ಡಾ. ಆನಂದ ಜಿ. ಪಾಟೀಲ, ನಾರಾಯಣರಾವ ಬರೀದಾಬಾದೆ, ಗೋಡಂಬಿ ಬೆಳೆಯ ಪ್ರಗತಿಪರ ರೈತರು ಚಿಟ್ಟಾ ರವರು
ಕಾರ್ಯಕ್ರಮದಲ್ಲಿ ಗೋಡಂಬಿ ಬೆಳೆಯ ಲಾಭ ಹಾಗೂ ಅನುಭವವನ್ನು ಸಭೆಯಲ್ಲಿ ಹಂಚಿಕೊAಡರು.
 ಈ ಕಾರ್ಯಕ್ರಮದ ಅಂಗವಾಗಿ ಗೋಡಂಬಿ ಬೆಳೆಯ ಬೇಸಾಯ ಕುರಿತು ತಾಂತ್ರಿಕ ಮಾಹಿತಿಯನ್ನು ಒಳಗೊಂಡAತಹ ಕೈಪೀಡಿಯನ್ನು ಬಿಡುಗಡೆ ಮಾಡಿ ರೈತರಿಗೆ ವಿತರಿಸಲಾಯಿತು. ನಂತರ ರೈತರು ತೋಟಗಾರಿಕೆ ಮಹಾವಿದ್ಯಾಲಯ,
ಬೀದರನಲ್ಲಿರುವ ಗೋಡಂಬಿ ಬೀಜದ ಸಂಸ್ಕರಣಾ ಘಟಕ ಹಾಗೂ ಗೋಡಂಬಿ ತಳಿಗಳ ಕ್ಷೇತ್ರಕ್ಕೆ ಭೇಟಿ ನೀಡಿ ರೈತರು ಹೆಚ್ಚಿನ ಮಾಹಿತಿ ಪಡೆದರು.
 ಡಾ. ಆನಂದ ಜಿ. ಪಾಟೀಲ, ಪ್ರಾಧ್ಯಾಪಕರು, ಕಾರ್ಯಕ್ರಮವನ್ನು ನಿರೂಪಿಸಿ ಸ್ವಾಗತಿಸಿದರು. ಡಾ. ಅಶೋಕ ಸೂರ್ಯವಂಶಿ, ಸಹ ಪ್ರಾಧ್ಯಾಪಕರು ವಂದಿಸಿದರು. ಈ ಸಂಧರ್ಭದಲ್ಲಿ ಬೀದರ ಜಿಲ್ಲೆಯ 75 ರೈತರು ಭಾಗಿಯಾಗಿ ಇದರ ಲಾಭ
ಪಡೆದರು.